Новозеландскиот боксер во тешка категорија Џозеф Паркер потполоно е мирен пред борбата за титулата на ИБФ против британскиот борец Даниел Дубоа.
Поранешниот шампион на ВБО (2016-2018) на 22 февруари на настан во Кингдом арената ќе се обиде да ја освои светската титула по втор пат.
Пресметката меѓу Паркер и Дубоа ќе биде коглавна борба на големиот спектакл што ќе го предводи реваншот во полутешка категорија каде Артур Бетербиева ќе ја брани апсолутната шампионска титула против Дмитри Бивол.
Паркер е на целосни тренинзи во својот тренинг камп, фокусиран исклучиво на себе и среќен со сето она што го направи досега во пресрет на претстојната борба со силниот Британец.
„Се е добро, кампот е исполнет со позитивна енергија и работна атмосфера. Одлично ми оди и со нетрпение го очекувам 22 февруари. Подготвен сум за одличен настап. Оваа борба е како и секоја друга и ја третираме многу сериозно. Даниел Дубоа е светски шампион и јас го сфаќам многу сериозно. Тренирам многу и напорно“, изјави Џозеф Паркер и додаде:
„Нема притисок. Може да биде товар само ако не тренирате напорно и не ги правите работите како што треба. Исто така, важно е да не размислувате за борбите што може да ги имате во иднина. Даниел Дубоа е исто така исклучително фокусиран на мене. Затоа што ако некој предвиде нешто, тоа може да биде крај. Со нетрпение го чекам мечот и ќе видиме што ќе се случи, но велам дека повторно доаѓам да ја освојам светската титула“.
