Светскиот шампион во тешка категорија Ентони Џошуа изјави дека веќе тренира со полн интензитет и нема проблеми со коленото. Во наредната недела или две, 30-годишниот Британец ќе почне да бара спаринг партнери за да се подготви за битката со предизвикувачот за појасот на ИБФ, Кубрат Пулев.
„Коленото ми е толку добро колку што може да биде. Тренирам целосно, не престанав да ја одржувам формата, дури и кога имав проблеми со коленото“, изјави Џошуа за Скај спорт и додаде: „Можам да стојам на двете нозе, па сигурен сум дека можеме да почнеме со спаринзи. Ќе барам спаринг-партнери во следната недела или две за да започнам со тренинг-кампот“.
Anthony Joshua: The Knee is Good, I Am in Full Training https://t.co/jdBx1ls0nL pic.twitter.com/baW3rTFRtX
— BoxingScene.com (@boxingscene) July 26, 2020
Во моментов нема точен датум за мечот меѓу Џошуа и Пулев. Претставник на ИБФ во изјави дека поради сегашните околности тешко е да се одреди одреден датум за средбата.
„Со оглед на сегашните околности, треба да бидеме флексибилни. Тешко е да се одреди одреден датум за момент. Сите работиме напорно, за да ги вратиме работите во боксот како што беа, и се надеваме дека наскоро сè ќе биде добро“, се вели во соопштението.
