Постојано отворениот татко на Тајсон Фјури, Џон, смета дека стилот на неговиот син не е добар за неговиот претстоен противник, Александар Усик.
„Во неговите последни три борби, забележав мал пад. Не пад на способноста, туку пад на силата, моќта и кондицијата. Стилот што го гледам не е добар, нема да има смисла да се боксира со Усик така само стоејќи пред него. Тој мора да биде паметен и агилен како Усик“.
Како што на 17 февруари во Саудиска Арабија се приближува првата неприкосновена борба по 24 години, целата боксерска индустрија ја прогнозира борбата што претстои. Сепак, шокантното признание дојде од таткото Фјури, кој предупреди дека верува оти имало пад во перформансите на неговиот син.
„17 февруари е датумот на кој ќе се пишува историјата. Но, според мое мислење, на Тајсон му треба уште малку време за да ја поправи состојбата и тежината. Мене ми изгледаше како минатиот пат да изгуби многу мускули. Нешто не беше во ред“.
