Џастин Гејџи се надева дека ќе го заврши Макс Холовеј на начин на кој никогаш досега не бил завршен.
Гејџи (25-4 ММА, 8-4 УФЦ) ќе ја брани титулата во БМФ против поранешниот шампион во перо категорија Холовеј (25-7 ММА, 21-7 УФЦ) на 13 април на УФЦ 300 во Лас Вегас.
Осумдесет проценти од победите на Гејџи се со нокаут, а тој ќе бара уште една против Холовеј. Но, со оглед на тоа што Холовеј никогаш не бил нокаутиран, „Хајлајт“ знае дека тоа ќе биде тешка задача.
„Имам 25 победи, а 20 со нокаут. Прилично сум горд на тоа“, изјави Гејџи за ЕСПН. „Тоа е нешто што намерно се обидував да го задржам во текот на мојата кариера. Така да, тоа е нешто кон што се стремам. Истото се случи со Тони Фергусон. Никој никогаш не го завршил. Не го нокаутирав на традиционален начин, но секако направив доволно штета за да ја прекинат оваа борба“.
