Џастин Гејџи сака да ја прекине победничката серија на Хабиб Нурмагомедов на импресивен начин. Американецот е категоричен дека може да го порази шампионот во лесна категорија на УФЦ кој досега загуби само една рунда во кариерата на организацијата.
Гејџи ќе биде 29-тиот борец што вкрстил ракавици во кафезот со Хабиб и се обидел да го скрши.
„Мојата самодоверба и мојот тренер се мојата најголема сила. Ова е опасна комбинација. Не знам дали се борел со некој на кој не му е гајле дали ќе изгуби. Тоа ме прави опасен“, изјави нокаутерот Гејџи за УФЦ 254 за време на Денот на медиумите. Поранешниот шампион во борење на колеџ има тешки раце и е убеден дека може да го нокаутира Хабиб. „Секој може да заспие. Тој е будала ако смета дека не можам да го нокаутирам“.
Токму огромното искуство на Гејџи во борење слободен стил и неговите неверојатни вештини во кик-боксот го прават еден од најопасните ривали на Хабиб, според многу експерти и фанови. Џастин не планира соборувања по секоја цена со Орелот, но е подготвен за најлошото.
„Мојата најважна цел за време на мојата долгогодишна борба беше да не останам на партер. Никогаш не сум имал одличен напад, но не можеа да ме срушат и лесно да ме држат на партера. Ќе го користам ова. Многу е важно да се држам настрана од партерот. Не сакам да се претвори во меч во борење … ако ме сруши, морам да го натерам да работи за да ме задржи како да животот да му зависи од тоа“, додаде последниот човек кој го победи Тони Фергусон во УФЦ.
На крајот, Гејџи заклучи дека ќе се обиде да го откаже Хабиб од октагонот.
„Сакам да го откажам. Сакам да знае дека сум подобриот спортист и личност. Тоа е целта на борбата“, категоричен е 31-годишниот привремен шампион во категоријата до 70-килограми.
