Рускиот боксер Дмитри Бивол по победата над сонародникот Артур Бетербиев, меѓу можните идни ривали го вклучи и Британецот Калум Смит.
Минатиот викенд во Ријад Бивол го победи Бетербиев со мнозинска одлука и ги освои титулите во Светскиот боксерски совет (ВБЦ), Светската боксерска организација (ВБО), Меѓународната боксерска федерација (ИБФ), Светската боксерска асоцијација (ВБА Супер) и Меѓународната боксерска организација (ИБО) во полутешка категорија.
Бетербиев победи во првата борба, обединувајќи ги појасите и стана апсолутен светски шампион. Сега Бивол е неприкосновен шампион во дивизијата и планира да се бори за наследство, а не за пари. Дмитри веќе ги знае имињата на оние со кои сака да се бори во иднина.
„Сакам да се борам за појасите и за моето наследство. Сакам да добијам нешто од битките. А не се работи за пари. Сакам да бидам запаметен, да оставам трага во историјата на боксот. Покрај Канело Алварез, Артур Бетербиев и Давид Бенавидез, можам да го додадам и Калум Смит, тој е претендент и за појасите.
Турки Алалших (претседател на Општата управа за забава на Саудиска Арабија) ме праша за потенцијална борба во тешка категорија. Тоа е исто така опција“, рече Бивол во интервју за Јутјуб каналот на Бокс њуз.
View this post on Instagram
