Американскиот тешкаш Дионтеј Вајлдер (43-2-1, 42 КО) минатата година успешно се врати во рингот по двата порази од Тајсон Фјури.
Поранешниот светски шампион во октомври со нокаут во првата рунда го победи Роберт Хелениус.
Многу се зборуваше дека Бронзениот бомбардер гоиндва треба да боксира против Енди Руиз, но преговорите пропаднаа.
И додека го чека својот следен противник, Вајлдер не ја крие желбата да се бори со поранешниот шампион на УФЦ Френсис Нгану.
Но, во последното интервју откри дека е многу заинтересиран за четвртиот меч против Тајсон Фјури.
Вајлдер двапати загуби од Кралот на Ромите, а еден меч, првиот од декември 2018 година, заврши нерешено. Би бил многу среќен да прифати меч против Александар Усик.
„Тие борби би можеле да се реализираат наскоро. Можеби мојата следна борба ќе биде против Тајсон Фјури. Наскоро ќе дојде и мечот против Усик“, изјави Дионтеј Вајлдер и додаде:
„Се си доаѓа на свое место, токму како што треба. Сè е отворено. Мислам дека следниот период ќе биде одличен за мене. Уште некое време ќе боксирам, а потоа ќе се повлечам. После тоа, нема да се вратам во рингот“.
