Светскиот боксерски шампион во тешка категорија во ВБЦ, 29-годишниот Дионтеј Вајлдер, го обвини поранешниот шампион, Александар Поветкин, за употреба на забранети супстанци.
„Јасно е, Поветкин е измамник. Тој изгледа премногу голем. Русинот користи стероиди. Видете колку брзо го нокаутира Мајк Перес. Но, можам да ви кажам дека тоа не ме интересира кога ќе влеземе во рингот. Со нетрпение ја очекувам битката со Поветкин, но, пред тоа, сигурно ќе има сериозна допинг контрола“.
Поветкин стана задолжителен предизвикувач на Вајалдер за титулата. Летово двете страни треба да одредат кога ќе се одржи оваа борба.
