Димитар Ѓоргиев на 3 јуни се бори за првата професионална титула во кик бокс. Нашиот најдобар кикбоксер на ВАКО про турнирот „Бател фор белт“ во Зворник, Босна и Херцеговина, ќе се бори за европската титулата „ВАКО про“ во категоријата до 81,4 килограми.
Противник на Ѓоргиев е домашниот борец Никола Дробњак.
Наовој туирнир настапува и Бобан Илиоски. Тој ќе се бори против Хравтот Борна Манојловиќ во К-1 до 83 килограми
Настанот е со почеток од 20:00 часот и пренес на „Арена фајт“.
На 3 јуни си пред нов голем предизвик во кариерата, борба за европската титула на ВАКО Про. Дали Македонија и Димитар Ѓоргиев ќе се радуваат на нов голем успех?
-Задолжително одиме на победа!
Противникот Никола Дрбоњак настапува пред домашна публика. Дали е тоа предност или притисок за него?
-Сметам дека настапот пред домашна публика е од огромна предност, нормално имаш притисок, но и многу повеќе мотивација.
Кој е Дробњак?
-Дробњак е искусен борец кој долги години настапува на светски и европски првенства. Со него досега сум имал две борби, од кои една имам изгубено и една победа на последното Светско првенство
Како се подготвуваше за овој меч?
-Напорно, со многу тренинзи за физичка издржливост со мојот тренер Илија Исаковсик, како и технички со Ненад Манојловски, нашиот долгогодишен кик бокс репрезентативец.
Што ќе значи за тебе титула во професионалниот кик бокс, покрај оние во аматерска конкуренција?
-Ова е ми е првпат да се борам за ваква титула во професионален кик бокс. За мене е многу битна оваа борба и ќе дадам се од себе појасот да биде во Македонија!
