Британскиот боксер Дилиeн Вајт ја откажа борбата против сонародникот Џо Џојс поради повреда на раката на настанот што ќе се одржи на 5 април во Цо-оп лајв аерна во Манчестер.
Џојс ќе остане на програмата, а ќе добие уште друг противник. На истиот настан Лоренс Околи ќе се бори против Ричард Ријакпоре.
Тоа е тежок удар за 36-годишниот Вајт, кој се обидува уште еднаш да ја оживее својата кариера. Во последните две години имаше само две борби. Боди снечер лани ги победи Кристијан Хамер и Ебенезер Тетех.
А Џојс бара враќање на големата сцена по двата порази од Жилеј Жанг, а во последниот меч загуби и од Дерек Чисора.
„Поради повреда на раката здобиена за време на тренинг кампот Дилиен Вајт не може да се натпреварува во закажаната борба на 5 април против Џо Џојс“, се вели во соопштението на Квинсбери промоцијата.
Југернаут наскоро ќе го дознае името на противникот кој ќе застане како замена на Вајт.
