Медалистката на турнирот во џудо на Игрите на Комонвелтот во 2014 година се бори за живот во Виетнам по ужасен инцидент со мотор. Настрада 27-годишната Шкотланѓанка, Стефани Инглис, која е во кома во болница во Ханој. Таа има сериозни повреди на главата и е на реанимација.
Сребрената натпреварувачка во јануари заминала на далечниот исток, за да предава англиски на локалните деца како втор јазик. Според нејзината помала сестра Стејси, семејството ја дознало лошата вест во 7 часот во средата.
Оскудните информации покажуваат дека Стефани Иглис ги користела услугите на најпопуларните во Виетнам такси-мотоцикли, но нејзиното долго здолниште се заплеткало во гумите и таа паднала. Спортистката била влечена од моторот, како резултат на што се здобила со тешки повреди, поради кои е во кома.
