За ноември е најавена борба меѓу шампионот на УФЦ во тешка категорија Џон Џонс и најголемиот тешкаш во историјата на промоцијата Стипе Миочиќ, но се уште не е официјално потврдена.
Сепак, многу фанови, борци и стручњаци сметаат дека овој дуел нема смисла, пред се поради долгогодишната неактивност и годините на Стипе, тој пред две недели го прослави 42-от роденден.
Американскиот борец со хрватски корени последната борба ја имаше во март 2021 година, кога загуби од Френсис Нгану со нокаут на почетокот на втората рунда.
И привремениот шампион на УФЦ во тешка категорија Том Аспинал ја бара својата шанса, многумина сметаат дека Англичанецот заслужил меч против Џонс.
Еден од великаните на ММА, Деметриус Џонсон, неодамна гостуваше во подкастот на JAXXON и претстави многу интересно решение за новосоздадената ситуација во тешката категорија на УФЦ.
„Мечот меѓу Џонс и Миочиќ не мора да биде за појасот. Без разлика на титулата, тоа е пресметка на двајца легендарни борци. Тој натпревар би продал исто толку ППГ без разлика дали се работи за титула или не“, изјави Деметриус Џонсон и продолжи:
„Сигурен сум дека Џонс ќе го добиеше истиот хонорар, без разлика дали беше шампион или не. Не сакам да кажам што треба да прави, но како фан на ММА би сакал да го видам Џонс да се бори со Том Аспинал. Ако Џонс не го сака тој меч и сака да се бори со Миочиќ, тогаш нека се бори со Стипе“.
Познатиот борец го привлекува вниманието на неактивноста на Стипе, која трае веќе три и пол години.
„Миочиќ не се борел долго време. Последниот меч го загуби со нокаут. Какво е неговото тело, не се борел три и пол години. Ја има својата работа како пожарникар, тешко ќе се врати и ќе се бори со Џонс“, нагласи Деметриус Џонсон.
