Дана Вајт, шефот на УФЦ, потврди дека победникот во борбата Џон Џонс-Стипе Миочиќ ќе се соочи со Том Аспинал. Вајт исто така додаде дека би сакал Аспинал да биде резервен борец за претстојната борба за титулата во тешка категорија. За време на УФЦ 304, кој се одржа на 28 јули во Англија, Том Аспинал го одбрани привремениот појас во тешка категорија.
Англичанецот се соочи со Картис Блејдс и брзо го нокаутира. По борбата, тој го предизвика Џонс, кој во ноември треба да се соочи со Миочиќ во првата одбрана на неприкосновената титула во тешка категорија. Дана за време на прес-конференцијата по УФЦ 304 потврди дека Аспинал ќе чека да се бори со победникот и ќе биде резервна варијанта за нивната борба.
Вајт со нетрпение чека да види што ќе се случи во борбата меѓу двајцата Американци. Тој рече дека би било лошо ако Стипе и Џонс се повлечат од ММА во ноември.
„Ќе почекаме и ќе видиме што ќе се случи по оваа борба. Ќе видиме дали сакаат да ја завршат кариерата. Мислам дека ако Стипе победи, најверојатно ќе се пензионира. Меѓутоа, ако Џонс победи, неговиот натпреварувачки дух и желбата да докаже на светот дека е најдобар, може да надвладее.
Ако и двајцата се пензионираат, тоа ќе биде гадно. Дали Аспинал ќе биде резерва за нивната борба? Сто проценти. Би биле луди ако не го направиме тоа во оваа борба“, рече Вајт.
Борбата меѓу Џонс и Миочиќ се уште не е официјално објавена. Сепак, самиот Џонс вели дека во ноември е предвидено да се врати во кафезот. Борбата со Стипе требаше да се случи пред 1 година, но повреда го елиминира Џонс од борбата.
View this post on Instagram
