Денеска добивме официјална потврда од КСВ дека српскиот тешкаш Дарко Стошиќ – Чекан (21-6) повторно ќе ја нападне титулата против непоразениот Фил Де Фрис (25-6, 1 НЦ)! Имено, англиско-српското дуо веќе се сретна во февруари 2022 година. Тогаш победи Англичанецот, а методот на победа беше забележан како технички нокаут во петтата рунда.
Во последниот меч кој се одржа на 1 јуни годинава на ФНЦ 17 во белградската Арена, „Чеканот“ со брутален „граунд енд паунд“ го неутрализираше Миран Фабјан-Сло Роки. Де Фрис во последната борба го победи Август Сакаи на настанот КСВ 95, а потоа по којзнае кој пат со маестрално борење го „водеше“ мечот од пет рунди до судиска одлука. Сигурни сме дека Дарко се подобри во последните две години и дека овојпат исходот ќе биде значително поинаков.
Местото ќе биде арената Презеро во Гливице, Полска, а настанот во Шлезиското војводство ќе се одржи на 16 ноември. Јубилејната манифестација на најголемата европска организација ќе ја предводи легендарниот Мамед Халидов (37-8-2) против еден од најголемите полски таленти Адријан Бартосински-Бартос (15-0).
