На Светското првенство во џиу џицу во Хераклион на Крит, Грција, настапи и нашиот четврти борец Данил Николиски во категоријата до 56 килограми во У-21 кој во првиот настап на светски шампионат оствари висок пласман 9-то место.
„Со одлични и сигурни борби дојде до високото 9-то место победувајќи во дуелот со репрезентативец на Данска. И тој, како и останатите борци, за прв пат учествуваше на СП.
Искрени честитки, се надеваме дека ова ќе биде дополнителен поттик за тренинг и нови успеси“, велат од Македонската џиу џицу федерација и додаваат:
„Зоран Колевски и Антонио Стојчески, одлични борби на нашите борци, можеби важноста на еден ваков голем настан го направи своето, сепак, за нив ова беше прво Светско првенство. Зоран е 13-ти, Антонио 17-ти.
Големо товар но секако и големо искуство што секако во иднина ќе придонесе за големи резултати и нови бодови на Светската ранг-листа“.
Сепак, нашиот најголем адут за медал на СП беше Катерина Ацевска, но, за жал, поради повреда на раката таа ги предаде борбите.
