Даниел Кормиер официјално објави дека е завршена неговата кариера.
41-годишниот поранешен двоен шампион ја загуби трилогијата со Стипе Миочиќ и влезе во серија од дав последователни порази. По борбата Кормиер му рече на Роган дека е заинтересиран само за борби за титулата, но не може да добие шанса бидејќи беше во серија од порази.
Сепак, Кормиер се предомисли и повеќе не сака да се бори со никого. ДК веќе сфати дека нема начин да се натпреварува на високо ниво во тие години и не сака младите борци да градат име на негов грб.
„Нема да се борам повеќе. По борбата со Миочиќ,му реков на Роган дека ќе се борам само за титула, но не можам да добијам шанса по два последователни порази. За прв пат во мојата кариера изгубив два пати по ред. Треба да знаете кога е време да застанете. Стипе ми го зададе тој силен десен диркет, затоа што сум стар. Нема начин да се борам со годините. На 41 година би се борел против шампионот во тешка категорија и неколку рунди би се борел против идејата дека сакам да победам. Не влегов таму за да изгледам добро. Влегов во кафезот да го претепам.
Сè уште верувам дека можам да го победам Миочиќ, но времето не е на моја страна. Не ги оставив ракавиците во кафезот затоа што изгубив, а тоа беше моментот на Миочиќ. Тој е шампион, зошто да му го земам моментот? Да ги оставив ракавиците, луѓето ќе зборуваа за тоа. Ќе му го украдев моментот ако го сторев тоа. Немаше начин како да го направам тоа, затоа што тој победи. Миочиќ заврши добра работа и победи.
Бев многу тажен и плачев, како и секогаш. Им се извинив на сите што не ја завршив мојата работа. Не треба да продолжам да се борам и да се борам против борците за да изградат име на мојот грб. Ги затворам вратите и готово е. Не сум тажен. Се ќе ми недостасува, но мора да сфатите кога е време да застанете. Чувствувам дека дојде тоа време“, рече Кормиер за својата одлука.
https://www.youtube.com/watch?v=hljnpulVFts&feature=emb_logo
.
