Минатата година беше одлична за британскиот боксер Даниел Дубоа во јуни го победи Филип Хрговиќ и го освои привремениот шампионски појас во тешка категорија на ИБФ, кој неколку недели подоцна го замени за вистинскиот, а потоа титулата во септември ја одбрани со нокаутирање на Ентони Џошуа.
По големиот триумф против својот сонародник, тој се согласи да ја брани титулата против Новозеландецот Џозеф Паркер. Натпреварот требаше да се одржи во февруари, но поради болест тој го откажа настапот само два дена пред настанот.
Дубоа сака да ја продолжи успешната серија, но се уште не е познато кој би можел да биде неговиот следен противник. Во боксерските кругови гласно се шепоти дека тоа би можел да биде Александар Усик во мечот за апсолутен шампион во тешка категорија.
„Сакам три големи имиња Усик, Паркер или Еј Џеј. Тоа е мојот фокус. Тоа е тоа“, неодамна истакна Даниел Дубоа.
Џошуа моментално се уште се опоравува од повредата и несомнено е заинтересиран за реванш, додека Паркер како предизвикувач на ВБО го чека евентуалниот судир против Усик.
Но, Дубоа најверојатно би можел повторно да се сретне со Усик, кој го победи во август 2023 година со нокаут во деветата рунда.
Брилијантниот 38-годишен Украинец ги има титулите во ВБЦ, ВБА и ВБО, а и тој сака уште еднаш да се обиде да ги обедини појасите во тешка категорија.
