Шефот на УФЦ, Дaна Вајт, изјави дека по победата на Чарлс Оливеира (34-9) над Бенил Дариуш (22-5), Бразилецот треба повторно да се сретне со шампионот Ислам Махачев (24-1).
Минатиов викенд во Канада Оливеира во првата рунда го нокаутира Дариуш. Така, Чарлс забележа рекордна 20-та победа со прекин во УФЦ. Тој го доби и својот 19-ти бонус, со што стана рекордер за еден борец со најмногу заработени бонуси во УФЦ.
Оливеира изрази желба за реванш со Махачев, кој ја има титулата во категоријата. На крајот на 2022 година тие се бореа во Абу Даби. Ислам го заврши Оливеира и ја освои празната титула во лесна категорија.
Сега Чарлс повторно е кандидат, а Дана Вајт едвај ја чека нивната втора борба. Реваншот најверојатно ќе се одржи повторно во Абу Даби во октомври оваа година.
„Феноменалниот настап на Чарлс. Особено во борба против човек кој многумина го сметаа за фаворит во борбата. Фантастично. Сегашниот Чарлс и Чарлс од 2006 година се сосема различни борци.
Изгледаше беспрекорно во последниве години, а сега беше подготвен за војна. Со нетрпение ја очекувам неговата втора борба со Ислам Махачев. Мораме да ја направиме оваа борба повторно“, рече Вајт.
