Дана Вајт веќе нема надеж за враќање на Хабиб Нурмагомедов.
Непоразениот шампион во лесна категорија објави дека се пензионира на крајот на 2020 година кога го победи Џастин Гејџи во Абу Даби и одлучи да застане на скор 29-0 во ММА.
Речиси шест месеци Дана Вајт го држеше Хабиб на ранг -листата на УФЦ и се обиде да го натера да се премисли. Сепак, ѕвездата од Дагестан не се откажа и не престана да зборува дека тоа е се од него.
Нурмагомедов веќе работи како тренер и им помага на своите пријатели во нивните битки.
„Се откажав од секаква надеж дека Хабиб ќе се врати. И вие не треба да се надевате. Пробав се со ова дете. Се обидов да го вратам, но тој заврши.
Сега работи како тренер. Хабиб се пензионираше непоразен и како тренер исто така е непоразен. Ова момче само жнее успеси и продолжува да успева.
Сега тој отвора ново поглавје во својата приказна. Мислам дека Хабиб заврши со ММА“, изјави во интервју Вајт.
