Тренерот на Чарлс Оливеира, Диего Лима, изјави дека Конор Мек Грегор бил заинтересиран за броба меѓу нив. Ирецот пред извесно време му предложи на „До Бронкс“ да не се бори со Ислам Махачев, туку да го чека неговото враќање. Сепак, Чарлс не сакаше да го чека и се соочи со Дагестанецот кој го победи.
Оливеира ќе се врати во октагонот следниот викенд на УФЦ 300. Настанот ќе се одржи на 13 април во Т-Мобилеe арената во Лас Вегас. Поранешниот шампион во лесна категорија ќе се соочи со Арман Царукјан во воведниот меч од главната карта на вечерта. Диего Лима откри дека сакаат борба со Мек Грегор.
Таборот на Оливеира повеќе би сакал борба со Ирецот отколку борба за титулата со Дагестанецот. Во моментов тие се фокусирани само на Царукјан, бидејќи нема да биде лесна борба.
„Би било одлично да се бориме со Мек Грегор. Конор влезе во историјата. Би било неверојатно да се бориме со него. Ако имаше шанса да се бориме со Конор во полусредна категорија, тогаш тоа би го направиле по борбата со Царукјан. Но, што е со титулата? Во ред, ќе се бориме за појасот после тоа, дај Боже. Но, знаеме дека со Мек Грегор суштеството стана поголемо од креаторот. Знаеме дека ако има меч, Конор веќе размислувал за оваа борба.
Ако навистина ја имавме таа можност, ова е борбата што ја сакаме. Појасот е сигурен со победата над Мек Грегор. Нема шанси да го победиме Мек Грегор и следниот пат да не се бориме за појасот. Конор сака да се бори налето, но ќе размислуваме борба по борба. Арман е супер тежок, навистина добар. Чарлс е 100 проценти фокусиран на Арман и не размислува за Махачев или Мек Грегор. Така сум и јас.
Ги гледам само борбите на Арман, работам стратегија за Арман. Не би почнал да ги гледам борбите на Мек Грегор или Махачев во моментов. Јас не го правам тоа. Но, ние ги разгледуваме овие опции. Чарлс не се бори за да изгуби, се бори да победи. Има огромна разлика. Чарлс влегува во кафезот само за да победи, да добие нокаути или завршници. Со тоа тој се отвора за удари и е испратен на земја.
Искрено, со сета почит кон Мек Грегор, кој е неверојатен борец, верувам дека Чарлс ќе го нокаутира. Сите зборуваат за тоа колку би било незаборавно да го соборат. Се согласувам со тебе, но борбата започнува со став, а Чарлс има тешки, тешки раце. Ударите на Чарлс се неверојатни“, изјави Лима за ММА фајтинг.
View this post on Instagram
