Столе Смилковски го освои вториот медал за Македонија на 43. Европското првенство за кадети, јуниори и јуниори до 21 година што се одржува во Лимасол, Кипар. Смилковски се закити со бронзениот медал во категоријата до 57 килограми во борби за кадети,
Смилковски во првото коло го победи Гуга Иванашвили од Грузија со 3-0, а во второто загуби од Шпанецот Алберто Хименес Морено со 0-2, но откако Шпанецот се пласира во финалето, Смилковски преку репасажот дојде до бронзата. За место на пиедесталот ги совлада Блеранд Лимони од Косово со 1-0, против Белгиецот Квентин Маоден победи со судиско прегласување, откако мечот заврши 3-3, што му донесе голема радост на македонскиот репрезентативец.
Абдурахим Идризи го освои сребрениот медал во кати за кадети во конкуренција на 26 каратисти.
Реџеп Мустафовски во јуниорска конкуренција-кати беше поразен од Лука Бокарица од Хрватско со 0-5, а Ферри Исиќ во “под-21“ – кати, загуби со 0-5 од Германецот Лауренц Бренер.
Кадетката Киријана Камческа во првиот настап беше подобра од Унгарката Софија Бановиќ со 3-2, но во втората средба беше поразена со 4-1 од Лаура Фершниг од Австрија. Марјана Димоска се пласира на седмото место во кати за јуниорки. Таа на стартот загуби од Лиза Пиви (Италија) со 2-3, а во репасажот ја победи Русинката Павлина Котљарова (4-1), но загбу од Ема Браздова од Словачка со истиот резултат.
Ipon.mk/В.Д.
