Британскиот професионален боксер Дејв Ален смета дека Мартин Баколе е борецот кој може да ја прекине победничката серија на непоразениот Aлександaр Усик.
Во мај Украинецот стана првиот неприкосновен шампион во тешка категорија во ерата на четири појаси кога со поделена одлука го победи Тајсон Фјури.
Во меѓувреме му го отстапи појасот светски шампион на ИБФ на Даниел Дубоа, кој на 21 септември во британска борба ќе ја брани титулата против Ентони Џошуа.
Усик го чека реваншот против Фјури во декември.
А минатиот викенд Баколе го победи Џаред Андерсон со прекин во петтата рунда на настанот во Лос Анџелес.
Мартин по таа победа истакна дека е подготвен за натпревари против најдобрите тешкаши на денешницата, Усик или Фјури.
Ален спарираше со Баколе и Усик и верува дека конгоанскиот боксер може да го победи Украинецот.
„Баколе е толку опуштен. Кога спарирав против него, не можев да верувам дека човек со негова големина може да наниже шест или седум удари исто толку добро како тој“, рече Дејв Ален и додаде:
„Спарингував и со Тајсон Фјури и со Александар Усик, но ниту еден од нив не комбинираше удари како Баколе. Никогаш не сум бил погоден со толку многу различни потези, едно или две крошеа. Неговиот противник ќе претрпи сериозен ќотек. Усик едноставно не може да го победи. Без сомнение, Мартин може да се справи со него. Едноставно е преголем, можеби Жилеј Жанг би му правел проблеми. Тајсон Фјури и Ентони Џошуа исто така, а никој друг нема шанси против него“.
