Мариуш Ксјажкевич бил прободен со нож во градите додека го вадел ѓубрето пред неговиот дом во Винипег. Инцидентот се случил во темна уличка зад неговата куќа кога непознат маж со качулка и капа го нападнал. Во првиот момент, Ксјажкевич не ни сфатил што се случило – почувствувал само силен удар во градите. Сепак, неговите инстинкти веднаш реагирале и тој возвратил со брза комбинација на удари кои го собориле неговиот напаѓач на земја. Дури тогаш Ксјажкевич забележал дека рацете му се облеани во крв и сфатил дека е прободен.
И покрај тешката рана, борецот ја задржал присебноста – ја покрил убодната рана со крпа, повикал пријател да му ги чува децата и сам се отишол во болница. Таму, лекарите првично биле загрижени дека ножот му го погодил срцето, но последователните тестови покажале дека сечилото промашило за милиметри, пробивајќи го само пекторалниот мускул и поминал меѓу ребрата.
„Да ми го закачеше срцето, ќе значеше операција на отворено срце и крај на мојата кариера во ГФЛ, барем за оваа сезона. Но, имав среќа – не само што не погоди ништо од витално значење, туку сè уште сум жив“, прокоментира Ксјажкевич.
Полицијата го истражува случајот, но засега нема осомничени. Самиот Ксјажкевич признава дека не го погледнал добро напаѓачот и нема поим зошто некој би сакал да го прободе. И покрај шокот, останува фокусиран на кариерата и планира да се врати во кафезот во јуни, кога се очекува да го има своето деби во ГФЛ. А што се однесува до тренинзите? „Утрово бев во сала“, признава со насмевка и додава: „И покрај лекарските совети“.
