Најтешкиот тест во полутешка категорија наскоро го oчекuvа шампионот Алекс Переира, а тоа е Магомед Анкалаев. Без разлика, Переира во неколку наврати изјави дека го интересира и појасот во тешка категорија и боксерскиот меч против Aлександaр Усик.
Переира треба да се фокусира на она што е пред него во моментов, а тоа е опасниот Анкалаев и веруваме дека моментално е неговиот најголем фокус. Поранешниот шампион Карл Фроч ја коментираше изјавата на Переира дека сака да се испроба во борбата со Усик во боксерскиот ринг:
„Синоќа гледав видео од спаринг сесијата на Переира на Јутјуб. Тој е во ред. Ја држи главата малку премногу исправена. Брадата му е во воздух, нема движење на главата. Усик, пак, се бореше со најдобрите во светот во овој спорт и ги победи, па ова против Переира би било неусогласеност. Не ме сфаќајте погрешно, тој е апсолутна машина, немам ништо друго освен пофалби за неговата дисциплина“, изјави Фроч на својот канал на Јутјуб.
„Александар Усик против Алекс Переира во боксерскиот ринг, тоа е неусогласеност за мене и не сакам да го гледам тоа. Би сакал да ги видам во кафез. Тоа е само моја љубопитност како најдобриот боксер во светот би се снашол во кафезот на УФЦ со таков врвен борец“, додаде тој.
Речиси сигурно никогаш нема да знаеме како би изгледало во рингот или во кафезот. Усик не очекува многу мечеви до крајот на кариерата, рече дека сака да се бори уште два пати, па на Переира ќе му биде тешко да се најде во таа приказна. Како и да е, јасно е како тоа би се одвивало во боксерски ринг.
