Македонските репрезентативци во борење ја почнаа втората фаза од подготовките за олимписки квалификациони турнири за Олимписките игри во Рио 2016.
Тие веќе се аклиматизираа во бугарскиот спортски центар Тетевен, каде што има борачи од Молдавија, Чиле, Косово, Бугарија, а од понеделник ќе им се приклучат и борачите од Кина, Канада, Словачка и Италија.
Дејан Митров, Јасин Реџелари, Елмедин Сејфулаху, Иван Јанев и Менка Стојановска под раководство на селекторот Лулзим Вренези и координаторот Страшо Глигоров ќе останат таму до почетокот на силниот Меѓународен турнир „Дан Колов и Никола Петров“од 29-31 јануари, а потоа ќе настапат и на „Јашар Догу“ во Турција од 4-6 февруари. Натурализираните борачи Лабазан Аскербиев и Могомедгаџи Нуров од пред неколку дена се во спортскиот центар „Белмекен“, исто така во Бугарија, заедно со полскиот и романскиот национален тим каде што ќе останат до 28 јануари.
Ipon.mk/В.Д.
