Американскиот промотор Боб Арум истакна две имиња кои можат да бидат ривали на Тајсон Фјури при неговото враќање во Велика Британија.
Шампионот на ВБЦ треба да се сретне со Дионтеј Вајлдер, но коронавирусот и одолговлекувањето на мечот ги натера Фјури и неговите вработени да бараат друг противник. Иако засега нема ништо официјално, „Кралот на Ромите“ се очекува да се бори на 5 декември во Велика Британија.
„Конечната одлука ќе ја донесе Тајсон“, откри Арум.
„Сè уште не знаеме дали мечот ќе го емитува ЕСПН и додека не добиеме сигурен противник, нема да разговарам за тоа со нив“.
„Нема да се соочиме со слаб противник. Фјури треба да го победи Карлос Такам, но барем тој е позната личност и е познат на американската јавност. И тој го направи многу добро последниот меч“.
„Другото име е Агит Кабајел. Тој нема пораз и се бореше со пристојни боксери. Засега нема други посочени“, додаде шефот на „Топ ранг“.
