Напнатоста во центарот на Даблин се чувствуваше дури и од екраните додека Брус Бафер ги јавуваше резултатите од епската битка на Конор Мек Грегор и Нејт Дијаз во Лас Вегас минатата сабота.
Спортскиот бар во срцето на главниот град на Ирска беше „кренат на нозе“ за време на еден од најочекуваните реванши во историјата на Ултимејт фајтинг чемпионшип (УФЦ). Конор победи со судиска одлука и како може да се претпостави, ова и се допадна на ММА фанови во барот, кои останаа до 5:30 часот по нивно време, за да го поддржат својот љубимец.
