На првиот Меморијален меѓународен бокс турнир „Звонко Вујин“ во Зрењанин, Србија, што се одржа викендов жирито предводено од легендите на југсловенскиот бокс Тадија Качар и Мирко Пузовиќ го прогласи Баки Ајети од Македонија за најдобар боксер.
Ајети во финалето славеше со поделена одлука на судиите против домашниот боксер Марко Јојиќ со 3-2.
На турнирот учествуваа натпреварувачи од Босна и Херцеговина, Романија, Унгарија, Хрватска, Словенија, Македонија и Србија.
Тренерот Насер Харуни вели дека ова е тест пред Европксото првенство за ученици во Сараево од 10 до 20 август во Сараево, Босна и Херцеговина.
Резултати – ученици
54 кг Василије Јањатовиќ (Србија) – Рион Бајрами (Македонија) 5-0
60 кг Марко Јојиќ (Србија) – Баки Ајети (Македонија) 2-3
63 кг Алтин Османи (Македонија) – Габриел Иван (Романија) 0-5
Полуфинале
44 кг Даниел Григорие (Романија) – Омар Фазли (Македонија) 5-0 ТКО, Р2
60 кг Богдан Трифу (Романија) – Баки Ајети (Македонија) 2-3
Фото: БСС
