Почетокот на годината донесе одлични вести за боксерот Ален Бабиќ, наскоро ќе се бори за светската титула.
Бабиќ треба да се бори со Лукаш Розански за шампионскиот појас на ВБЦ во бриџер категорија.
Севиџ имаше 11 професионални мечеви од јули 2019 година и ги победи сите.
Тој имаше четири борби во 2021 година, а само една минатата година, кога во мај го победи Адам Балски и го освои сребрениот појас на ВБЦ во категоријата бриџер.
„За жал, Ален Бабиќ мораше да научи како функционираат некои работи во боксот кога ќе добиеш шанса да се бориш за светската титула. Претходно беше многу поактивен, а лани само еднаш боксираше. Впрочем, пред неколку месеци ВБЦ му нареди да се бори со Рајад Мерхи за привремениот шампионски појас. И минатата недела, кога практично се договоривме за борба со Мари, ВБЦ му нареди на Бабиќ да се бори со Розански за светската титула“, изјави промоторот Еди Херн и додаде:
„Тоа е неверојатна можност за него, но знам колку е фрустрирачка неактивноста за борците. Ален Бабиќ се бори со Лукаш Розански за светската титула на ВБЦ во бриџер категорија и тој меч најверојатно ќе се одржи на почетокот на март, бидејќи Розански не може да се подготви до 4 февруари за настанот во Медисон сквер гарден. Бабиќ не сака да биде неактивен, но доби златна можност која може да му го промени животот. Ако ја освои светската титула, многу работи ќе се сменат и трпението ќе се исплати“.
Со таа победа Бабиќ би станал првиот хрватски боксер по Стипе Дрвиш со титула светски шампион на една од четирите најпрестижни организации (ВБЦ, ВБА, ИБФ и ВБО).
View this post on Instagram
