Неколку месеци се зборуваше за спојувањето на две од најголемите ММА организации во Русија и денес тоа е факт. Сопственикот на АЦБ/ACB, Маирбек Хасиев, официјално објави дека ја купува организацијата ВФЦА/WFCA, која е во сопственост на претседателот на Чеченија, Рамзан Кадиров и двете организации се спојуваат во една, која од денеска се вика АЦА/ACA (ABSOLUTE CHAMPIONSHIP AKHMAT). Интересно е што оваа година АЦБ откажаа неколку од своите настани, бидејќи имаше финансиски проблеми, а сега ја купуваат ВФЦА, што е чудно. Најверојатно чеченскиот бизнисмен Касиев ќе биде сопственик, но од сенка Кадиров ќе ги влече конците.
„Горд сум да објавам дека денес АЦБ ја купи ВФЦА. Две години планиравме да ги обединиме овие две организации, а конечно тоа е факт. Денес официјално го објавуваме и започнуваме да делуваме. Оваа година го купивме ТЕЦХ-креп ФЦ/TECH-Krep FC и сега ВФЦА, а најверојатно тоа не е нашето последно купување. Мислам дека е време да се обединат некои големи организации на ММА и да се создаде моќна организација во Русија, за да се натпреварува со најголемите во светот.
Сакам да соопштам дека со купувањето на ВФЦА, нема да правиме нова организација, нема да има промени во сопственоста и нема да има структурни промени. Алексеј Јаценко е претседател на организацијата. Ќе има мала промена, која е во името на организацијата и ќе се вика ACA (ABSOLUTE CHAMPIONSHIP AKHMAT). Водевме разговори во последните месеци и размислував да го зачуваме старото име, но решивме дека ќе се вика AЦА. Целта на нашата AЦA е да станеме најдобра организација во светот“, изјави на сопственикот на AЦБ Маирбек Хасиев на социјалните мрежи.
.
