Андерсон Силва (Бразил) побара побрз реванш од Мајкл Биспинг (Англија) по поразот во саботата вечер на шоуто во Лондон. Поранешниот шампион на УФЦ во средна категорија ја загуби средбата на поени во пет рунди, но остана незадоволен од реакцијата на судијата. Најспортскиот момент беше во третиот дел. Тогаш јужноамериканецот постигна летечко колено, додека неговиот ривал му даваше знак на судијата, Херб Дин, дека си ја изгубил гумата. Силва тргна да слави и се качи на октагонот, но беше соборен оттаму и средбата продолжи. На овој начин ѕвездата ја испушти шансата да го доврши Британецот, а наместо тоа средбата беше решена од судиите..
Долгогодишниот менаџер на Силва, Ед Соареш, предложи да се одржи непосреден реванш во Бразил. При евентуална победа на неговиот клиент, би можело да биде направен и трет меч во Лас Вегас, каде што вообичаено се најголемите галавечери на УФЦ.
Во исто време, Биспинг има цел во ликот на Ник Дијаз. Двајцата дури разменија неколку остри реплики на Твитер, што е гаранција дека може да има дуел меѓу нив.
Силва нема ниту една победа во последните четири натпревари. Тој ја доби средбата со Ник Дијаз во јануари минатата година, но потоа му беше одземена поради позитивен допинг тест.
