Борба меѓу двајцата тешкаши Алистер Оверем (47-18, 1НЦ) и Александар Волков (32-8) е водечка на настанот УФЦ Фајт најт, што ќе се одржи на 6 февруари во Лас Вегас.
Првиот дуел беше договорен во април 2019 година, но нивниот судир не се случи.
И двајцата ги добија последните средби, минатата година во октомври Волков (32) го совлада Волт Харис со технички нокаут, а на ист начин во септември 40-годишниот Оверем го победи Август Сакаи.
Тоа ќе биде последен обид холандскиот борец да стигне до врвот.
„Се чувствувам како ова да е моето време. Имам две победи по ред и сега морам да продолжам. Сакам да дојдам до борбата за титулата, таа ме чека. Ова ќе биде мојата последна борба за титулата, бидејќи немам повеќе време“, рече Алистер Оверем и додаде:
„Имам одлична кариера, која наскоро ќе заврши. Не сакам да се борам уште пет години. Ова е мојот последен скок до врвот. Ќе се повлечам во моментот кога ќе ја освојам титулата. После тоа, не треба повеќе да докажувам ништо“.
