Поранешниот неспорен шампион во лесна категорија Александр Усик конечно ќе го направи своето деби во тешка категорија. Тоа ќе се случи на 12 октомври во Чикаго.
Усик (16-0, 12 КО) се очекува да се бори против 38-годишниот Карлос Такам (36-5-1, 28 КО) во првата битка во тешка категорија. Победата во оваа битка ќе му овозможи на Усик да се бори против победникот од мечот меѓу Ентони Џошуа и Енди Руиз, кои ќе се борат во декември. 32-годишниот Усик сега е задолжителен предизвикувач во тешка категорија на ВБО.
Усик има скор 16-0 и последен пат ја одбрани титулата минатиот ноември со нокаут над Тони Белју. Такам пак загуби две од последните три борби, откако беше нокаутиран од Jошуа и Чисора. Во неговата последна борба, Карлос победи со нокаут над Сенад Гаши минатиот декември. Тие со Усик требаше да се борат пред неколку месеци, но тогаш Александр се повреди и сè тргна наопаку.
