Александар Усик сега многумина го сметаат за најдобриот активен боксер во светот.
Во само 23 борби Украинецот ги победи сите противници за да ја освои апсолутната титула во полутешка, а потоа и апсолутната титула во тешка категорија. На патот до титулата Усик ги победи борците како Маирис Бреидис, Дерек Чисора, поранешниот шампион Ентони Џошуа (двапати), актуелниот шампион на ИБФ Даниел Дубоа и поранешниот шампион на ВБЦ, Тајсон Фјури (двапати).
Говорејќи за ТНТ спорт бокс по неговата втора победа во декември над „Ромскиот крал“, украинскиот „Мачор“ беше прашан кој е најдобриот активен боксер во Велика Британија, САД, Европа и светот. Дополнително, тој беше запрашан кој е најдобриот млад боксер што доаѓа, која е најдобрата борба за 2024 година и најдобриот нокаут на годината.
Усик го смести Фјури како најдобар борец во Велика Британија, а Теренс Крафорд го зазеде местото на најдобар во САД, но и во светот. За најдобар европски и најдобар млад боксер го назначи во полутешка категорија Даниел Лапин, 27-годишен сонародник со 11 настапи и 11 победи.
Ласкавата титула најдобар на светот, според Усик, му припадна на шампионот познат по менувањето на гардот. „Бад“ Крафорд е поранешен апсолутен шампион во лесна и полутешка категорија, кој е непоразен во професионалниот ринг (41-0, 31 КО). Тој во врвни борби ги победи истакнатите борци како Шон Портер и Ерол Спенс Јуниор, а неодамна се пресели во супер велтер категорија (до 70 килограми) и ја освои титулата во првиот обид против Израел Мадримов.
Тој долго време беше поврзуван со потенцијална суперборба против Сол Алварез-Канело, а извештаите сугерираат дека и саудискиот промотор Турки Алалших сака борбата да се одржи.
И покрај разликата во тежината меѓу двајцата, многумина веруваат дека Крафорд би можел да ја добие борбата поради неговата атлетска и борбена интелигенција, додека актуелниот и помлад шампион во полусредна категорија Џерон Енис-Бутс, исто така, долго време сака шанса да се бори со „Бад“.
