Претседателот на Македонската џиу џица федерација, Александар Ацевски, кој воедно е и тренер на Дан кју од Скопје, направи пресек на изминатата година на македонското џиу џицу.
„После шест години борба, напор и настојување успеав Македонската џиу џица федерација да ја внесам како рамноправен член во Светската џиу џица Федерација. Учествував свои натпреварувачи на 11 турнири и на 8 Државни првенства. Освоив 21 златен медал, 15 сребрени и 18 бронзени. Го организирав турнирот „Скопје опен 2015“, најголем турнир во Скопје и пошироко, односно учествуваа 189 борци од 9 држави, а сето тоа беше направено на три борилишта, имаше 15 судии, детски хор, две медицинси екипи, обезбедување, озвучување. И по шести пат турнирот „Скопје опен“ влезе во календарот на Европската федерација за 2016 година“, наведува Ацевски.
Понатаму во своето резиме истакнува дека неговиот клуб Дан кју учествувал на Државното првенство во Штип со дваесетина натпреварувачи и дека го организирал и го водел бесплатниот летен камп – „Одбрана од нож „Охрид 2015“, на кој присуствувале 20 членови и 5 родители. Одржал околу 15 семинари во клубовите и тоа сите бесплатно. Се посчуваат двата семинари „Одбрана од нож и самоодбрана за жени во соработка со Аеробик клубот Миксаеробик.
Ацевски нагласува дека минатата година славел 15 години од постоењето на Дан кју, но и дека организирал две полагања за повисоки појаси во јуни идекември, на кои со повисоки појаси се стекнале 28 члена, клубот добил и носител на мајсторски појас- црн појас 1 дан.
„Во Турција одржав тродневен семинар за 40 мајстори. Таму, заедно со мојот колега, одржав еден судиски семинар. Добив сертификат од Светската будо федерација. Ми беше доделен 5 дан – катсуџицу“, истакнува Ацевски.
Тој нагласува дека двајца натпреварувачи од неговиот клуб биле дел од екипата што се бореше во „Јадранската џиу џица лига“, каде штопоминале три кола.
„Тоа што некој сонува да го постигне за неколку години, јас го направив само во 2015 година. Во 2016 година ќе биде пеколна, ќе газам посилно и појако“, тврди Ацевски.
Ipon.mk/В.Д.
