Бразилецот Алекс Переира овој викенд на УФЦ 307 во Солт Лејк Сити ја брани титулата во полутешка категорија против Американецот Халил Раунтри Јуниор.
Откако се приклучи на најголемата светска ММА организација, Поатан ја освои и загуби титулата во средна категорија против Израел Адесања, а потоа се пресели во полутешка категорија, каде што има четири победи во низа.
Титулата во полутешка категорија ја освои минатиот ноември во мечот со Јиржи Прохаска, а потоа двапати ја бранеше (Хил и Прохаска).
Извесен период се зборуваше за премин на Переира во тешка категорија, но и за враќање во средна категорија, но се чини дека Бразилецот сака уште некое време да владее во дивизијата во која моментално го држи шампионскиот појас.
„Сакам да го одбранам појасот во полутешка категорија. За да се вратам во средната категорија ми треба добар план за слабеење, а за да се здебелам за тешка категорија е потребна одредена процедура. Моментално сум со совршена тежина и тоа ми одговара“, изјави Алекс Переира.
