Поранешниот шампион во средна категорија на УФЦ, Израел Адесања (24-3) јасно стави до знаење дека е подготвен да се бори со новиот шампион во средна категорија Дрикус Ду Плесис (21-2).
Ду Плесис го победи Шон Стрикленд (28-6) со поделена одлука (47-48, 48-47, 48-47) и стана нов шампион на УФЦ. Борбата се одржа на 20 јануари на УФЦ 297 во Торонто, Канада. Во интервјуто по борбата Ду Плесис го предизвика Адесања со кого се соочи во 2023 година.
И додека многумина веруваат дека Стрикленд бил ограбен, Адесања тврди дека Ду Плесис земал три рунди и победил чесно. Израел му честиташе на својот африкански брат и рече дека ќе го тестира.
„Тој го искористи своето борење на крајот, што беше паметно од него, за да украде рунди. Претпоставувам дека му ги дадов трета, четврта и петта рунда. Сега е четвртиот африкански шампион во историјата на УФЦ.
Така да ти честитам, мојот африкански брате, Дрикус ду Плесис. Многу сум среќен поради него, ми се допаѓа неговата приказна и сето тоа, но ќе го тестирам“, изјави Адесанја на својот Јутјуб канал.
