18 репрезентации во џудо ги доставија пријавите за учество на Европското првенство во мешани тимови од 24 до 26 ноември во рускиот град Уфа, изјави за ТАСС Кирил Денисов, спортски директор на Руската џудо федерација.
Натпреварот во мешани тимови во џудо за прв пат се одржа во 2018 година во Екатеринбург, каде учество земаа 21 репрезентација. Германија го освои тогашниот шампионат победувајќи ги џудистите од Холандија, а бронзата ја освоија репрезентациите на Русија и Украина.
„Европското првенство во мешани тимови стана достапно дури откако оваа дисциплина беше вклучена во програмата на Олимписките игри во Токио, каде екипното натпреварување го круниса турнирот“, рече Денисов во интервју за ТАСС.
„Ова е многу престижен турнир и многу е престижно за Уфа да биде домаќин. Досега за учество се пријавиле вкупно 18 екипи“, додаде тој.
