Магомед Анкалаев се подготвува за најголемата борба во кариерата каде ќе се соочи со Алекс Переира за шампионскиот појас на УФЦ во полутешка категорија. Викендов на УФЦ 313 во Лас Вегас Анкалаев ќе има можност да стане новиот крал на категоријата до 93 килограми, во борба која многу им значи на двајцата борци.
Во емисијата УФЦ13 Одбројување, 32-годишниот Дагестанец зборуваше за своите почетоци во боречките вештини, а се осврна и на една тешка тема – неговиот татко кој прерано починал. Тој откри како смртта на неговиот татко го научила на вредностите на напорната работа што го обликувале во личност и борец што е денес.
„Роден сум во областа Шамил, во селото Телетл“, рече Анкалаев „Високо во планините на Дагестан. Бев девето, десето одделение (пред да наполни 16 години) кога го изгубив татко ми“.
„Тоа беше најтешкиот период за мене, токму на возраста кога на едно момче најмногу му е потребна татковска поддршка. Бидејќи човекот е глава на семејството, испадна дека јас станав тој човек. И морав да работам многу повеќе за да го издржувам семејството“.
Анкалаев потоа откри како го нашол својот повик кога во 2012 година, на 20-годишна возраст, почнал да тренира борбено самбо.
„Околу 2011, 2012 година почнав да се занимавам со боречки вештини како борбено самбо. После тоа се отвори нешто. Се појави Руската федерација за мешани боречки вештини и од тој момент се префрлив на ММА и почнав да постигнувам успеси“
Откако ги загуби првите три аматерски борби, Анкалаев продолжи во серија од 18 победнички борби, што му донесе договор со УФЦ. Во тој период сфатил дека може да заработи борејќи се, а единствена цел му била да ја освои титулата во УФЦ.
Иако беше поразен со завршница во третата рунда од Пол Крег во дебито за УФЦ, тој се врати импресивно – со низа од девет последователни победи, што му ја донесе првата можност за титулата.
Тој ја доби можноста за појасот против Јан Блахович на УФЦ 282 во декември 2022 година, откако тогашниот шампион Јиржи Прохаска се повлече од борбата против Гловер Тешеира поради повреда на рамото.
Тешеира одби да се бори со Анкалаев на краток рок, па борбата Анкалаев-Блачович беше промовирана во главната борба на вечерта.
Анкалаев беше уверен дека го победил Блахович, но борбата заврши со поделена одлука, при што еден судија ја бодуваше борбата за Анкалаев, друг за Блачович, а третиот даде нерешено.
Тоа беше само петто изедначување во историјата на титулата на УФЦ, оставајќи го празен појасот.
Недолго потоа, Алекс Переира, кој веќе беше шампион во средна категорија, реши да се пресели во полутешка категорија. Во јули 2023 година тој го победи Блахович со поделена одлука, а четири месеци подоцна, на УФЦ 295, го нокаутира Јиржи Прохаска и ја освои титулата.
Оттогаш, Переира го бранеше појасот три пати – нокаутирајќи го Хил Џамахал на УФЦ 300, потоа повторно победувајќи го Прохаска и победувајќи го Халил Раунтри Јуниор.
Сега, Анкалаев и Переира се соочуваат, а УФЦ 313 конечно ќе одговори на прашањето – кој е вистинскиот владетел во полутешка категорија?
