Вајт го составува планот во главта за реванш мечот меѓу Хабиб и Конор: Таа борба има смисла…

288

Шефот на УФЦ, Дана Вајт, не сака да се откаже од Хабиб Нурмагомедов и ќе се обиде со сите сили да го убеди непоразениот Дагестанец да се врати во октагонот.

Првиот човек на најсилната ММА организација потврди дека сака да организира меч со актуелниот шампион во лесна категорија и посочува дека ова би била одлична борба доколку Конор Мек Грегор го победи Дастин Пориер во јануари.

„Би било одлично за Конор да го победи Дастин, а потоа би сакал да видам судир против Хабиб. Таа борба има смисла“, рече Дана Вајт.

Во јануари е најавена средба меѓу шефот на УФЦ и Дагестанецот. Веројатно е дека Дана ќе го убеди Хабиб да се врати, иако шампионот повеќе пати истакна дека ја завршил кариерата.

Но, Вајт очигледно подготвува некаков план во главата, кога размислува за нов дуел меѓу Хабиб и Конор. Во првиот судир во 2018 година непоразениот Дагестанец го победи Ирцот со гушење се во четвртата рунда.

И по борбата се случи инцидент по кој долго се влечеаа опашки …

Хабиб ја прескокна оградата и започна пресметка со Дилон Денис, кој постојано дофрлаше надвор од октагонот.

Данис е голем пријател и поранешен соработник на Конор. Тој верува дека Ирецот за возврат би бил подобар од Дагестанецот.

„Се надевам дека ќе има враќање, а таа борба нема да биде изедначена. Конор е во одлична форма и лесно ќе победи“, истакнува Дилон Данис и додава:

„Знам за што е способен Конор. Хабиб е еднодимензионален борец и Конор ќе го нокаутира. Па, во последната борба контролираше сè. Со добар став и правилни подготовки, Хабиб нема шанси. Јас би се обложил на победата на Конор“.