Тајсон Фјури се подготвува за Џошуа искачувајќи се на планина (ВИДЕО)

513

Тајсон Фјури, кој е светски шампион во тешка категорија на ВБЦ, продолжува да се подготвува за мега-пресметката со Ентони Џошуа, сопственик на појасите на ВБА Супер, ВБО, ИБФ и ИБО. Победникот на овој меч ќе стане апсолутен шампион кај најтешките.

Ирецот тренира во Лас Вегас, Невада. Дел од тренингот на отворено е претпладневно трчање во областа на планината Чарлстон, која се наоѓа во пустината Невада.

„Утринско трчање кон врвот на Чарлстон, Невада, заедно со Хорхе и Дилан Капетијо, Фернандо Варгас Јуниор и Амадо Фернандо Варгас“, напиша Фјури на својот профил на Инстаграм.

Досега Тајсон Фјури нема пораз во професионалниот ринг. Ирецот има биланс од 30 победи (21 со нокаут) и 1 нерешен меч (во првиот судир за светската титула на ВБЦ против Дионтеј Вајлдер).

Џошуа е со скор од 24 победи (22 со нокаут) и 1 пораз (од Енди Руиз Јуниор).