Претседателот на ЏФМ Владимир Трпаноски се сретна со претседателот на ЕЏУ

189

Претседателот на Џудо федерацијата на Македонија, Владимир Трпаноски имаше работна посета на Европската џудо унија за време на Европското јуниорско првенство што се одржа од 8 до 12 септември во Луксембург.

Трпаноски на ЕП претстојуваше по покана на претседателот на ЕЏУ, Сергеј Соловејчук.

„Во тој период беа направени повеќе работни состаноци со претседателот на ЕЏУ г-дин Соловејчук, како и со дел од претседателите на комисиите при ЕЏУ, на кои состаноци беше разговарано за унапредување на џудо спортот во нашата држава, преку учества на меѓународни едукативни семинари, кампови и натпревари како и организација на едукативни семинати, кампови и натпревари во нашата држава“, информираат од Џудо федерацијата.

Трпаноски беше и дел од свечената церемонија на доделување на награди на учесниците на Европското првентво за јуниори во Луксембург.

„Претседателот на ЕЏУ, Сергеј Соловејчук посетата на Трпаноски ја оцени како доста успешна и изрази задоволство од активностите кои беа реализирани, како и се обврза дека активно ќе помага за унапредување на џудо спортот во Македонија“, велат од ЏФМ.