Канело објави три имиња за голем меч во мај

133

Саул Алварез-Канело е решен да се бори во Мексико, пред очекуваниот голем меч во мај.

Црвенокосиот борец најверојатно ќе му даде шанса на претендентот од Турција Авни Јалдирам. Плановите на светскиот шампион се тогаш да се бори со едно од овие три големи имиња – Генади Головкин, Били Џо Сандерс и Калеб Плант.

Сепак, Канело може да биде разочаран ако битката со Јалдирам не се одржи во Гвадалахара.

Можно е мерките во Мексико сè уште да не паднат до крајот на февруари и така средбата да се одржи во Тексас. Набргу потоа, Алварез ќе започне да се подготвува за следниот судир.

Ќе биде во мај, бидејќи во тоа време се одбележува големиот мексикански празник „Синко де Мајо“ – во чест на победата над Француската империја. Познат е и како „Ден на победата“.

Платформата ДАЗН се надева дека Генади Головкин ќе се согласи на борба со Канело, бидејќи интересот ќе биде огромен.