Хабиб Нурмагомедов: Ќе бидам шампион до средбата со Дана Вајт

251

Хабиб Нурмагомедов не крие дека ужива во своето време како шампион, иако најави повлекување од ММА. Непоразениот борец од Дагестан требаше да се раздели од титулата неколку дена по пензионирањето, но УФЦ донесе поинаква одлука. Дана Вајт го оцени Хабиб како емотивен и реши да го остави шампион затоа што ќе се преиспита и ќе се врати во октагонот.

Изгледа дека „Орелот“ не сака да се натпреварува, но во исто време му е тешко да се раздели од титулата, што носи многу позитивности со себе. Во интервју за руските медиуми Нурмагомедов рече дека најверојатно ќе остане шампион до неговата средба со Дана Вајт во Абу Даби на крајот на јануари.

„Не знам дали ќе ја ослободам титулата. Одлично е да се биде активен шампион и нема да ве лажам. Титулата ќе биде испразнета и ќе има уште еден шампион. Дозволете ми да уживам во златото. Не сум размислувал за тоа, но веројатно ќе бидам шампион додека не се сретнам со Дана Вајт.

Се борев цел живот и тоа беше тешка одлука. Понекогаш веруваме дека нема што друго да сториме. Ова е затоа што не сакам да влегувам во нови работи. Мислам дека секој има голем потенцијал, но тоа мора да го реализира на свој начин“, рече Хабиб.

Ако неговите зборови се точни, тогаш Хабиб ќе биде шампион уште еден месец и половина, а потоа ќе му ја одземат титулата на крајот на јануари.