Го избркаа Џон Џонс од Џексон-Винк ММА

66

ММА легендата Џон Џонс е исфрлен од ММА салата Џексон-Винк во Албакерки. Мајк Винклеџон, кој е ударниот тренер на Џонс, му откри на Ариел Халвани дека Коски повеќе нема да тренираат во салата.

Причината е последното апсење на Џонс, кој под дејство на алкохол ја нападна својата свршеница, а потоа со глава удри во хаубата на полициската патрола. На Џон му беше забранет влез во теретаната каде тренираше во изминатата деценија.

Винкелџон го советуваше Џон да престане да пие и да се стегне, бидејќи ако не го направи тоа, тогаш никогаш повеќе нема да биде добредојден во салата. Отстранувањето на Џонс е привремено, но ако не се промени, тогаш ќе биде трајно.

„Многу сум разочаран. Најтешко е кога ќе ја слушнете неговата ќерка кога рече дека мора да повика полиција. Тешко е од моја страна, имам три ќерки. Имам жена и три ќерки, предавам женска самоодбрана наречена „Паметни девојки“.

Разговарав со Џон и му реков дека ми е како помал брат. Му реков да престане да пие и да ги среди работите. Моментално е надвор од салата и не смее да дојде. Имав чувство дека морам да направам нешто. Лудост е да се игнорира ова и да се очекува поинаков резултат.

Има многу луѓе околу себе кои нема да му ја кажат вистината. Можеби ме мрази поради тоа, но морав да му ја кажам вистината. Во моето срце се надевам дека Џонс ќе се врати и ќе ја освои титулата во тешка категорија, ќе престане да пие и ќе продолжи понатаму. Ќе видиме што ќе се случи во иднина“, му рече Винкелџон на Хелвани.