Харитонов го нокаутира Митрион (ВИДЕО)

Откако нивната прва борба во февруари траеше само 15 секунди, Сергеј Харитонов го нокаутира Мет Митрион на вториот мечна Белатор 225 во Бриџпорт, Конектикат.

Првата борба беше прекината поради низок удар по кој 39-годишниот Русин не беше во состојба да го продолжи мечот, а во втората средба Харитонов (30-7-2 НЦ) со аперкат и колено во втортата рунда го заврши „Митхед“ (13-8-1 НЦ).

Пред дуелот со Русинот, 41-годишниот Американец во октомври минатата година беше поразен од Рајан Бадер во полуфиналето во тешка категорија на Гран-при турнирот.

Митрионе за време на целиот меч имаше проблеми со заштитната гума, која повторно му испадна во втората рунда откако Харитонов го погоди со левата рака. Можеше да се слушне во првата рунда во аголот дека има нова гума, а дека неговата останала во торбата.

Откако во повратничкиот меч за американската промоција ја загуби борбата за прв предизвикувач во тешка категорија од Чеик Конго , поранешниот шампион на Белатор, Виталиј Минаков (22-1) по неговиот прв пораз во кариерата за 105 секунди го нокаутира Тимоти Џонсон (12-6).

На 34-годишниот Американец ова му беше втора борба по напуштањето на УФЦ и втор пораз. Минатиот октомври Конго го нокаутира за 68 секунди.

😱😱😱 Vitaly Minakov #Bellator225 LIVE now on Paramount Network And simulcast on DAZN!Live in the 🇬🇧 on Sky Sports!

Posted by Bellator MMA on 2019 m. rugpjūčio 24 d., šeštadienis

Борецот со ампутирана рака Ник Њувел (16-2) во дебито за Белатор со давење со рачен триаголник во првата рунда го совлада Кори Браунинг (4-2).

Nick Newell Wins Via Submission In Round One

"Notorious" Nick Newell gets it done in the 1st! #Bellator225

Posted by Bellator MMA on 2019 m. rugpjūčio 24 d., šeštadienis

Во воведната програма Израелецот Авив Гозали (3-0) го направи најбрзата завршница во историјата на Белатор. За само 11 секунди со хил хук го совлада Белорусинот Едуард Моравицки (7-9). Меѓутоа, треба да се каже дека Израелцот нема да добие награда за фер-плеј, бидејќи се тргна да го руши противникот во моментот кога  овој му ја пружи раката за поздрав.

😳 15 Second KO for Aviv Gozali

15 seconds was all it took!Aviv Gozali MMA locks in the fastest submission in Bellator history! Prelims live now on the Bellator app!

Posted by Bellator MMA on 2019 m. rugpjūčio 24 d., šeštadienis

Интересно е што сите 14 борби на настанот завршија со прекин.

print