Хабиб Нурмагомедов во септември се враќа во кафезот

Шампионот во лесна категорија се враќа во септември. Хабиб Нурмагомедов го изјави тоа за Азамат Боцанов, при што истакна дека тогаш ќе се борат и неговите соборци Зубаир и Абубакар.

Во моментов, „Орелот“ е казнет од страна на Атлетската комисија на Невада, но неговата казна истекува за неколку месеци. Друга е ситуацијата на Зубаир и Абубакар кои се казнети со по 1 година и не можат да се борат во септември, но и покрај тоа Хабиб смета дека сите ќе се вратат пред септември.

„Јас, Зубаир и Абубакар ќе се бори во септември“.

Во мај започнува светиот месец Рамазан, во кој Хабиб ќе пости, а потоа ќе има три месеца за да се врати во форма и септември е реална опција за неговото враќање. Тој отсекогаш велел дека сака да биде активен во кафезот, а ако се бори во септември, веројатно ќе го видиме повторно во декември оваа година или јануари следната година.

print