Усик: Руиз и Џошуа веќе не може да побегнат од мене

Александр Усик (16-0, 12 КО) не може да го дочека дебито во тешка категорија.

Поранешниот неприкосновен светски шампион во лесно-тешка категорија требаше своето деби да го направи во мај против Карлос Такам, но се повреди и дебито во тешка категорија мора да почека до есен.

Светската боксерска организација (ВБО) го постави поранешниот олимписки победник за задолжителен предизвикувач во тешка категорија и пред да ја направи првата борба во таа категорија.

Во меѓувреме, Ентони Џошуа, кој имаше три од четирите големи титули, загуби од Енди Руиз и 32-годишниот Украинец ќе биде задолжителен предизвикувач на победникот во реваншот.

Прашањето кога треба да дојде таа прилика, бидејќи е и задолжителниот предизвикувач на ИБФ, Кубрат Пулев, побара да се бори против Руиз пред неговиот реванш со Џошуа.

„Благодарен сум што ме поставија задолжителен предизвикувач. Знам дека тоа не се случи без причина. Тие немаат веќе каде. Сè е подготвено и поставено на свое место“, рече тој за Скај спорт.

„Само треба да почекаме работите да се случуваат со својот тек и тогаш дефинитивно ќе боксирам со еден однив двајцата“.

Усик не се согласува со тврдењата дека Џошуа го загубил Руиза затоа што има проблеми со пониските противници, но вели ако тоа е случај дека тогаш тој навистина ќе има голем проблем во реваншот.

„Не мислам дека тоа е причината за неговиот пораз. Проблемот е општ. Не е важно дали вашиот противник е низок или висок. Не е важно дали се борите со двометраш или со човек од метар и 80. Се подготвувате со спаринг партнери кои изгледаат исто како вашиот противник. Ако на Џошуа навистина му е проблем да боксира со пониски луѓе, тогаш тоа е навистина голем проблем“.

print