Режисерот на „Наркос“ снима филм за бразилската џиу џица

Режисерот на „Наркос“ снима филм за бразилската џиу џица.

Славниот режисер Хозе Падила за Нетфликс ќе снима филм за бразилската џиу џица.

Насловот на филмот е „Мртов или жив“, а освен за режијата Падлина е задолжен и за пишување на сценариото заедно со Питер Магуир.

51-годишниот бразилски режисер и продуцент сними многу успешни филмови како Tropa de Elite и Tropa de Elite 2, и преработката на Робокап.

Продуцент е на серијалот Наркос на Нетфликс, а режираше и две епизоди.

„Мртов или жив“ се одвива во периодот од 19 век до денес.

Филмот ќе ја раскаже приказната за Мицујо Маеда и Риксон Грејси.

Маеда е клучен за појавата на бразилското џиу џицу. Јапонскиот џудока патувал по светот и го пренел неговото знаење во Бразил на Карлос Грејси и на останатиот дел од семејството Грејси, кое подоцна ќе стане познато како „Кралското семејство на ММА“.

Риксон Грејси е внук на Карлос и освен тоа што е мајстор за БЏЏ, вооедно е и еден од пионерите на ММА.

print