Пулев во преговори за борба со Марк де Мори

ЕСПН објави дека Кубрат Пулев (27-1, 14 КО) е во преговори за борба против Марк де Мори (37-2-2, 33 КО).

Договорите сè уште не се потпишани, но мечот би требало да се одржи на 9 ноември, најверојатно во САД, бидејќи Бугаринот има договор со Топ ранг.

Планот е борбата да се одржи во воведниот дел од настанот во Фресно, Калифорнија, на кој Џамел Херинг ќе ја брани титулата на ВБО во суперлесна категорија против Ламонт Роуч.

Пулев (38) е задолжителен предизвикувач на ИБФ федерацијата за победникот на реваншот од 7 декември помеѓу Енди Руиз и Ентони Џошуа.

37-годишниот Австралиец со хрватско потекло Де Мори по поразот од Дејвид Хеј во јануари 2016 година и краткорочното пензионирање е со седум победи против послаби противници.

print